«2025-2026-jılları balalardı mektepke shekemgi bilimlendiriw menen qamtıp alıw dárejesin arttırıw boyınsha qosımsha ilajlar haqqında»ǵı Húkimet qararı (83-sanlı, 12.02.2025.j) qabıl etildi.
Qararǵa bola, 2025-2026-jılları balalardı mektepke shekemgi bilimlendiriw menen qamtıp alıw dárejesin arttırıw boyınsha ilajlar baǵdarlaması hám 3-7 jastaǵı balalardı mektepke shekemgi bilimlendiriw menen qamtıp alıwdıń maqsetli kórsetkishleri tastıyıqlandı.
Sonday-aq, tómendegiler shólkemlestiriledi:
– xalıqtıń jasaw dárejesi hám tólem qábileti joqarı bolǵan (kámbaǵal shańaraqlar az bolǵan) máhállelerde mámleketlik-jeke menshik sheriklik tiykarında mámleketlik emes baqshalar;
– uzaq hám shetki (rayon hám qalalar orayında jaylaspaǵan) máhállelerde shańaraqlıq mámleketlik emes baqshalar;
– xalıqtıń tólem qábileti tómen (kámbaǵal shańaraqlarǵa salıstırǵanda kóp bolǵan) hám demografiyalıq ósiw dárejesi joqarı bolǵan máhállelerde mámleketlik, sonday-aq, xalıqaralıq qarjı institutlarınıń kredit hám grantları esabınan mámleketlik-jeke menshik sheriklik tiykarında mámleketlik emes baqshalar;
– sociallıq taraw mákemeleriniń bos imaratlarında qısqa múddetli toparlar.
2025-jıldıń aqırına shekem kámbaǵal shańaraqlardıń perzentlerin mektepke shekemgi bilimlendiriw menen qamtıp alıw támiyinlenedi, -dep málimleme beredi xabar.uz saytı.

Qaraqalpaqstan xabar agentligi