Erteń Qıtay Xalıq Respublikasınıń Shenchjen qalasında futbol boyınsha U-20 saylandı komandaları arasında Aziya chempionatı bolıp ótedi.

Chempionattıń birinshi turında Farhod Nishanov basshılıǵındaǵı Ózbekstan saylandı komandası Yemen saylandı komandası futbolshılarına qarsı oyınǵa túsedi.
Ushırasıw Tashkent waqtı menen saat 14:15te Shenchjendegi «Jaslar futbol bazası»nda baslanadı.
Sonı aytıp ótiwimiz kerek, saylandı komandamız quramında házirgi waqıtta Tashkenttiń «Olimpik MobiUz» klubında oynap atırǵan qaraqalpaqstanlı dárwazaman Samandar Muratbaev hám yarım qorǵawshı Muhammedali Reymovlar oynaydı.
Futbolshılarımızǵa áwmet yar bolıwın tilep qalamız.

Adilbay Orazov,
Qaraqalpaqstan xabar agentligi sholıwshısı