Nókis qalasında basketbol boyınsha qızlar arasında Qaraqalpaqstan chempionatı bolıp ótti.
Chempionatqa respublikamızdıń barlıq qala hám rayonlarınan komandalar qatnasıp, jeńimpazlıq ushın óz-ara bellesti.
Qızǵın bellesiwlerge bay bolǵan jarıs juwmaǵında, Nókis qalası basketbolshıları barlıq qarsılasların jeńip shıǵıp, Qaraqalpaqstan chempionı ataǵına miyasar boldı.
Finalda chempion komandaǵa jeńilip qalǵan Ámiwdárya rayonı sportshıları ekinshi, Xojeli rayonı komandası sıylı úshinshi orınlardı iyelewge miyasar boldı.
Chempionat sońında jeńimpaz komandalar shólkemlestiriwshiler tárepinen arnawlı diplom, medal hám estelik sawǵalar menen sıylıqlandı.

Adilbay Orazov,
Qaraqalpaqstan xabar agentligi sholıwshısı