Qaraqalpaqstan Respublikası Joqarǵı Keńesiniń Baslıǵı Amanbay Orınbaev Shımbay rayonında Shımbay hám Kegeyli rayonlarındaǵı isbilermenlerdi qıynap kiyatırǵan mashqalaları hám usınısların tıńlaw maqsetinde ushırasıw ótkerildi.

Ilajǵa Shımbay hám Kegeyli rayonları hákimleri, juwapker bolǵan ministrlik hám mákeme basshıları qatnastı.
Onda 2025-jılda investiciya, lokalizaciyalastırıw baǵdarlamalarına kirgizilgen joybarlardı iske túsiriw, eksportyor kárxanalarǵa ámeliy járdemler kórsetiw, sanaat ónimlerin islep shıǵarıwshı kárxanalardıń tolıq quwatlılıqta islewin támiyinlew, isbilermenlerge hár tárepleme járdem kórsetiw máseleleri talqılandı.
Prezidentimizdiń basshılıǵında elimizde isbilermenlikti jáne de rawajlandırıw, olar ushın barlıq qolaylı sharayatlardı jaratıw baǵdarında keń kólemli reformalar ámelge asırılıp atırǵanın atap ótiw orınlı. Tek ǵana Qaraqalpaqstan ushın qabıl etilgen tariyxıy párman hám qararlar bul baǵdardaǵı ilajlar kólemin jańa basqıshqa kótermekte.
Ótkerilgen ilajda isbilermenlerdiń jumısında ushırasıp atırǵan mashqalalar boyınsha jaqınnan pikirlesti. Hár qanday investiciyalıq, óndirislik hám sanaattı rawajlandırıw boyınsha joybarlar Prezidentimiz tárepinen bárqulla qollap-quwatlanatuǵınlıǵı Joqarǵı Keńes Baslıǵı tárepinen ayrıqsha tilge alındı.
Usı mazmundaǵı ushırasıw Qaraózek rayonında Taxtakópir hám Qaraózek rayonlarındaǵı isbilermenler menen de bolıp ótti.

Qaraqalpaqstan xabar agentligi