Ózbekstan delegaciyasınıń Malayziyaǵa ámelge asırıp atırǵan xızmet saparı sheńberinde Korrupciyaǵa qarsı gúresiw agentligi direktorı Akmal Burxonovtıń Malayziya Hadallıq institutı Bas atqarıwshı direktorı Rahman Bin Moxd Din menen eki tárepleme ushırasıwı bolıp ótti.

Ushırasıw kún tártibine mámleketlik xızmette hadallıq standartlarınıń engiziliwi hám Malayziya tájiriybesin Ózbekstanda qollanıw máseleleri kirgizildi.
Malayziyada engizilgen «Mámleketlik xızmetkerdiń hadallıq profili», «Hadallıqtı bahalaw testi» hám «Korporativ hadallıq sisteması basqarıwı» joybarları haqqında tolıq maǵlıwmat berildi.
Maǵlıwmat ushın: «Mámleketlik xızmetkerdiń hadallıq profili». Jasalma intellekt járdeminde qollanılatuǵın ámeliyat bolıp, ol barlıq mámleketlik xızmetkerler ushın engizilgen.
Óz ornında, Agentlik direktorı usı baǵdarda mámleketlik uyımlarda korrupciyalıq qáwip-qáterlerdi azaytıw hám uyımlardıń xızmetin reyting bahalaw sisteması bar ekenligin atap ótti.
Ushırasıw sheńberinde tárepler Malayziyanıń hadallıqtı bahalaw boyınsha aldıńǵı tájiriybesin Ózbekstanda engiziw máselesinde tıǵız birge islesiwge kelisip aldı. Sonday-aq, eki uyım arasında birge islesiwge baylanıslı hújjet islep shıǵılatuǵını hám qol qoyılatuǵını belgilendi.
-Búgin biz Ózbekstan delegaciyası, Korrupciyaǵa qarsı gúresiw agentligi basshısı hám wákilleri menen birge islesiw máselelerine baǵıshlanǵan sóylesiwler ótkerdik,-dedi Malayziya Hadallıq institutınıń Atqarıwshı direktorı Rahman Bin Moxd Din. – Onda hadallıq institutı tárepinen elimizde qollanılǵan hadallıq quralları, sonıń ishinde, hadallıqtı bahalaw quralların Ózbekstanda da engiziw boyınsha birge islesiwdi jolǵa qoyamız. Ótkerilgen ushırasıwımız keleshekte eki uyım arasında birge islesiw kelisimlerine qol qoyılıwına hám tıǵız birge islesiw baylanıslarınıń ornatılıwına tiykar jaratadı.

ÓzA