Sociallıq tarmaqlarda sırt elge shıǵıp ketken pensionerlerdiń pensiyası toqtatılıwı, hátteki onı jaqın tuwısqanları isenim xatı arqalı da ala almaytuǵını haqqında maǵlıwmat tarqaldı.

Pensiya qorınıń anıqlıq kirgiziwinshe, bunday jaǵdaylarda pensioner Ózbekstannın sırtqa shıǵıp 3 aydan artıq waqıt dawamında Ózbekstanǵa qaytıp kelmegeninde pensiyanı tólew waqtınsha toqtatıp turıladı.
Bul tártip «Mámleketlik pensiyalardı tayınlaw hám tólew tártibi haqqında»ǵı Rejege muwapıq ámelge asırıladı.
Onda waqtınsha toqtatılǵan pensiyanı tólew pensioner Ózbekstanǵa qaytıp kelgennen soń qayta tiklenedi.
Puqara Ózbekstanǵa qaytıp kelgennen soń alınbay qalǵan aylardaǵı pensiyanı 24 aylıǵın alıw huqıqına iye.
Onda pensiya pulı pensiyanı alıw maqsetinde múrájat etilgeninen aldınǵı 24 aydan aspaǵan dáwiri ushın tólenedi.

Qaraqalpaqstan xabar agentligi