Usı jıldıń 23-26-yanvar kúnleri Hindstannıń Nyu-Dehli qalasında Hindstan-rus izertlewshi, «Ruskiy-mir» qorı, Hindstandaǵı Rossiya Federaciyası elshixanası, Pushkin atındaǵı Rus tili mámleketlik institutı, Moskva mámleketlik lingvistika universiteti tárepinen «XXI ásirde rus tili hám ádebiyatı awdarması hám mádeniyatı: qayta bahalaw hám perspektivalar» atamasındaǵı xalıqaralıq konferenciya bolıp ótti.

Onda Respublika bilimlendiriw orayınıń rus tili hám ádebiyatı páni boyınsha metodist Miyrigúl Berdibaeva «Ózbekstan Respublikasında rus tilin shet tili sıpatında oqıtıw metodikasın jetilistiriw quralları sıpatında (TRKI-III/S1) test nátiyjeleriniń analizi» atamasındaǵı bayanat penen qatnastı.
Konferenciyada Rossiya Federaciyası, London hám Ózbekstannan rus tili páni muǵallimleri qatnasıp, rus tilin úyreniwdegi mashqalalar hám onıń sheshimleri haqqında pikirleri menen ortaqlastı.

Qaraqalpaqstan xabar agentligi