Prezident Shavkat Mirziyoev iri transport infrastrukturası joybarları boyınsha esabat penen tanıstı.

Xalıq hám ekonomikanıń ósip baratırǵan talabınan kelip shıǵıp, transport tarmaǵı izbe-iz rawajlandırılıp barılmaqta. Mámleketimiz basshısınıń 2023-jıl 10-oktyabrdegi qararına muwapıq, jol xojalıǵı tarawı jetilistirildi, jol qurıw, ońlaw hám olardan paydalanıw kólemi arttı.
Bul qararda zamanagóy avtomobil jolların qurıw perspektivaları da belgilengen. Sonıń ishinde, ótken waqıtta Jáhán bankiniń qatnasıwında “Tashkent-Ándijan” alternativ jolı joybarlastırıldı. Ulıwma uzınlıǵı 314 kilometr bolǵan bul tez júrer magistral paydalanıwǵa tapsırılıwı nátiyjesinde Tashkentten Ándijanǵa jetip barıw waqtı 5 saattan 3 saatqa shekem qısqaradı. Sonday-aq, bul jalpı ishki ónimdi 2,6 procentke arrtırıp, jol apatshılıǵın 40 procentke azaytıwı múmkin.
Jaqın arada bul joybar boyınsha xalıqaralıq tender járiyalandı. Qısqa waqıtta oǵan kóplegen abıraylı sırt el kompaniyaları qızıǵıwshılıq bildirdi.
Májiliste bul joybar boyınsha usınıslar kórip shıǵıldı. Transport ministrligine júklemesi kóp basqa jollarda da alternativ magistrallar qurıw, jollarda qolaylıq hám qáwipsizlikti kúsheytiw, túrli tólemli xızmetlerdi shólkemlestiriw boyınsha tapsırmalar berildi.
Mámleketimiz basshısına Birlesken Arab Ámirlikleriniń “AD PortsGroup” kompaniyası menen birgelikte Nawayı wálayatında “qurǵaq port” qurıw joybarı haqqında da málimleme berildi.

ÓzA