Turaq jaylardıń qurılısı boyınsha elektron platforma jaratıladı, dep xabar beredi xabar.uz.

«Turaq jay qurılısı tarawın jáne de rawajlandırıw, turaq jay hám turaq jay emes obyektlerdi úles kirgiziw tiykarında qurıw procesin tártipke salıw mexanizmlerin jetilistiriw ilajları haqqında»ǵı Prezident pármanına muwapıq, qurılısqa úles qosıwshılardıń qarjıların tartıw 2025-jıl 1-iyulden 2025-jıl 31-dekabrge shekem «eskrou» esap betleri arqalı hám házirde ámelde bolǵan úlesli qatnasıw tártibinde tikkeley tartıw mexanizmi boyınsha parallel túrde táreplerdiń tańlawına bola ámelge asırıladı.
Sonday-aq, qarjılardı tartıw 2026-jıl 1-yanvardan tek «eskrou» esap betleri arqalı ámelge asırıladı.
«Ashıq-aydın qurılıs» málimleme sisteması sheńberinde turaq jaylardıń qurılısı boyınsha elektron platforma jaratılıp, 2025-jıl 1-iyulden tolıq iske qosıladı.
2025-jıl 1-iyulge shekem úlesli shártnama boyınsha talap etiw hám girew xuqıqların basqa shaxsqa ótkeriwdi názerde tutqan halda úlesli shártnamalardı mámleketlik dizimnen ótkeriw hám salıq uyımlarına elektron kóriniste usınıp barıw sisteması engiziledi.
Еkonomika hám qarjı ministrligi janında «Turaq jaydıń birden-bir turmıslıq cikli» principin ámelge asırıw boyınsha joybar ofisi shólkemlestiriledi.

Qaraqalpaqstan xabar agentligi