Gruziya paytaxtı Tbilisi qalasında qılıshlasıwdıń sablya túri boyınsha ótkerilgen qızlar arasındaǵı jáhán kubogi Ózbekstan saylandı komandası ushın oǵada áwmetli keldi.

Atap aytqanda, jekpe-jek bellesiwlerde Samira Shokirova altın medaldı qolǵa kirgizgen bolsa, komandalıq jarısta Gúlistan Perdebaeva, Ayakóz Jumamuratova, Nargiza Jaqsıbaeva hám Samira Shokirovadan ibarat komandamız da barlıq qarsılasların jeńip shıǵıp, altın medaldı qolǵa kirgiziwge miyasar boldı.
Komandalıq bellesiwlerde qızlarımız sherek finalda Germaniya, yarım finalda Italiya, finalda Vengriya saylandı komandaları qılıshpazların jeńip shıǵıwǵa eristi.

Adilbay Orazov,
Qaraqalpaqstan xabar agentligi sholıwshısı