Xalıqtı ruwxıy hám aǵartıwshılıq jaqtan tárbiyalaw, olardıń ulıwma mádeniy dárejesin arttırıw, bos waqıtların kewilli ótkeriwge járdem beretuǵın ilajlardı shólkemlestiriwge ayrıqsha itibar qaratılmaqta.
Tórtkúl rayonlıq Ruwxıylıq hám aǵartıwshılıq Keńesiniń 2025-jılda ruwxıy-aǵartıwshılıq hám tárbiyalıq jumıslardıń nátiyjeliligin arttırıw, rayonda sociallıq-ruwxıy ortalıqtıń turaqlılıǵın támiyinlewge baǵıshlanǵan májilisi bolıp ótti.
Májilisti Tórtkúl rayonınıń hákimi, rayonlıq Ruwxıylıq hám aǵartıwshılıq Keńesiniń baslıǵı R.Shamuratov alıp bardı. Májiliste keńes aǵzaları, kárxana hám shólkem basshıları qatnastı.
Májilis dawamında 2024-jıl dawamında usı baǵdarda ámelge asırılǵan jumıslar haqqında Respublikalıq Ruwxıylıq hám aǵartıwshılıq orayı rayonlıq bóliminiń baslıǵı J.Settiyevtiń málimlemesi tıńlandı.
Keńes aǵzaları tárepinen bildirilgen usınıslar tiykarında 2025-jıl dawamında ámelge asırılatuǵın áhmiyetli wazıypalar belgilep alındı.

Qaraqalpaqstan xabar agentligi