Prezidentimiz tárepinen mektepke shekemgi hám mektep bilimlendiriwi sistemasına berilip atırǵan itibar hám jaratılǵan sharayatlar sebepli, sistemada úlken ózgerisler júz bermekte.

Qaraqalpaqstan Respublikası Mektepke shekemgi hám mektep bilimlendiriwi ministri G.Kojabaeva Beruniy rayonında 2024-jılı ámelge asırılǵan jumıslar hám sistemada jol qoyılıp atırǵa kemshilikler boyınsha mektepke shekemgi hám mektep bilimlendiriwi bólimine qaraslı mektep hám mektepke shekemgi bilimlendiriw shólkemlerinde alıp barılıp atırǵan jumıslar boyınsha kóshpeli májilis ótkerdi.
Eń shetki awıllarda zamanagóy mektepke shekemgi bilimlendiriw mákemeleri qurılıp, jas áwlad ushın barlıq sharayatlar jaratılǵan. Mektep bilimlendiriwin jańa basqıshqa alıp shıǵıw baǵdarında mámleketlik hám investiciya baǵdarlamaları, sırt el grantları tiykarında bir neshe jumıslar ámelge asırılmaqta, – dedi Beruniy rayonı hákimligi málimleme xızmeti bóliminiń baslıǵı Aynura Urazova.
Májiliste ayırım kemshiliklerde atap ótildi. Zaman talabına beyimlese almay atırǵan ayırım basshılar sınǵa alındı. Sonday-aq, 2025-jıl dawamında orınlanıwı kerek bolǵan jumıslarǵa toqtalıp, taraw qánigeleriniń málimlemeleri tıńlandı hám bir qatar máseleler kórip shıǵıldı.

Qaraqalpaqstan xabar agentligi