Aldın xabar bergenimizdey, Oliy Majlis Nızamshılıq palatası deputatı Nodira Rashidovanıń respublikamızda saylawshıları menen ushırasıwları orınlarda dawam etpekte. Gezektegi ushırasıw Nókis rayonındaǵı «Diyqan arna» máhállesinde bolıp ótti.
Deputat dáslep «máhálle jetiligi» wákilleriniń xalıq abadanlıǵın arttırıw, kámbaǵallıqtı qısqartıw, shańaraqlıq isbilermenlik hám hayal-qızlar menen jaslardı qollap-quwatlaw baǵdarındaǵı alıp barılıp atırǵan jumıslar haqqındaǵı maǵlawmatlardı tıńladı.
Máhállelerdiń infrastrukturasın jáne de jaqsılaw, xalıqtıń abadanlıǵın arttırıw, sheshimin kútip turǵan máseleler boyınsha usınıslardı tıńladı.
Sonday-aq, máhálle belsendileri menen ótkerilgen ushırasıwda partiyanıń saylawaldı baǵdarlamada ámelge asırılıwı názerde tutılǵan wazıypalar hám olardıń orınlanıwı, jańa nızamlar qabıl etiliwi hám nızamshılıqtaǵı ózgerisler haqqında sóz etti.

Qaraqalpaqstan xabar agentligi