Házirgi waqıtta studentler imtixanların tapsırıp, sessiyanı juwmaqladı. Bul áhmiyetli basqısh bolıp, endi olar dem alıp, kúshin tolıqtırıw jáne tayarlıq kóriw múmkinshiligine iye.
Usı múnásibet penen 2025-jıl 30-yanvar kúni Berdaq atındaǵı Qaraqalpaq mámleketlik universitetiniń Shet tiller fakulteti dekanınıń másláhátshileri M.Ametova həm I.Xoshmuratovalar studentlerdiń jataqxanaları hám kvartiralarındaǵı sharayatlar menen tanıstı. Olardıń bos waqıtlarında ne menen shuǵıllanıp atırǵanı menen qızıqtı.
– Házirgi waqıtta 2-, 3- həm 4-kurs studentleri ámeliyattı baslap, kóp waqıtın mekteplerde, kitapxanalarda ótkermekte. Olardıń ámeliyat dəwiri – bul bilim alıwdıń áhmiyetli basqıshı bolıp, onda student teoriyalıq sabaqlarda alǵan bilimlerin, ámeliyatta tereń meńgerip alıwına qosımsha múmkinshilik beredi,-deydi Shet tiller fakulteti dekanınıń hayal-qızlar máseleleri boyınsha másláhátshisi I.Xoshmuratova.
Másláhátshilerdiń aytıwınsha, bul dəwir – studentler ushın dem alıp, bos waqıtlarınan utımlı paydalanıp, oqıwdıń jańa basqıshına tayarlıq kóriw ushın ájayıp múmkinshilik. Eń áhmiyetlisi – dem alıw menen ámeliyat arasında teń salmaqtı tabıw.
Úyreniw jumısları dawam etpekte.
Madina Jumabaeva,
QMU Qaraqalpaq filologiyası hám jurnalistika
fakultetiniń 2-kurs studenti.
Qaraqalpaqstan xabar agentligi.