Ózbekstan Respublikası Bas ministriniń orınbasarı – Еkonomika hám qarjı ministri Jamshid Qwchqorov hám Franciyanıń «MEDEF International» awqamı isbilermenleriniń xalıqaralıq birgeliktegi jetekshi wákili Klod Imoven basshılıǵındaǵı isbilermenler delegaciyası arasında ushırasıw bolıp ótti.

Eki táreptiń iri kompaniyaları wákilleri, tiyisli ministrlik hám mámleketlik uyımlardıń basshıları qatnasqan ilajda mámleketlik-jeke menshik sheriklik, infrastruktura joybarlarındaǵı birge islesiw baylanısların keńeytiw, «jasıl» ósiwdi támiyinlew, energetika, transport, aeroportlardı modernizaciyalaw tarawların rawajlandırıw sıyaqlı bir qatar máselelerdi dodalawǵa itibar qaratıldı.
«MEDEF International» Franciyanıń eń iri isbilermenler awqamı bolıp esaplanatuǵının atap ótiw kerek. Ol usı mámlekettegi kompaniyalardıń xalıqaralıq bazarǵa shıǵıwına járdem beredi. Shólkem sırt eller menen ekonomikalıq hám sawda baylanısların rawajlandırıwda áhmiyetli orın iyeleydi. Awqam dúnyanıń 120 dan artıq mámleketi menen ekonomikalıq birge islesiw alıp baradı.
Sóylesiwlerdiń sońında tárepler óz-ara baylanıslardı rawajlandırıw, birgeliktegi joybarlardı keńeytiw hám pikirler almasıw processlerin kóbeytiwge kelisip aldı.

N.Ziyodullaeva, ÓzA