Prezidentimiz tárepinen qabıl etilgen PQ-1-sanlı qarardıń orınlanıwın támiyinlew baǵdarında orınlarda bir qatar ámeliy ilajlar, ushırasıwlar shólkemlestirilmekte.
Máhállelerde qáwipsiz ortalıqtı jaratıw hám huqıqbuzarlıqlardıń erte aldın alıw baǵdarında túsinik jumısları Respublikamız boylap jedel alıp barılmaqta.
Bunday ilajlar Beruniy rayonında da ámelge asırılmaqta. Rayon hákimi I.Xidirov hám Ózbekstan Respublikası IIM akademiyasınıń úlken oqıtıwshısı, mayor T.Masharipov rayondaǵı qızıl kategoriyadaǵı máhálleler menen sáwbet ótkerdi. Aymaqlardı úyreniw hám analizlew baǵdarında kelisip alındı.
Beruniy rayonındaǵı Abay awıl puqaralar jıyını hám Turan máhállesinde «máhálle jetiligi»niń jumısı hám qararǵa muwapıq orınlanıwı kerek bolǵan jumıslar boyınsha úyreniw hám túsindiriw jumısları alıp barıldı. Juwapkerlerge usı baǵdar boyınsha tiyisli tapsırmalar berildi.

Qaraqalpaqstan xabar agentligi