Shomanay rayonındaǵı Bárkamal áwlad balalar mektebinde «2025-jıl – Qorshaǵan ortalıqtı qorǵaw hám «jasıl» ekonomika jılı» mámleketlik baǵdarlamasına tiykarlanıp “Еkologiya hám biz” atamasında kórgizbeli keshe bolıp ótti.
Keshege Еkologiya, qorshaǵan ortalıqtı qorǵaw hám klimat ózgeriwi ministrligi Shomanay rayonlıq bólimi, Еkologiya partiyası, Innovaciyalıq texnologiyalardı engiziw hám intalı balalar bóliminiń basshıları, baǵdarlama metodistleri hám pedagog xızmetkerler, dógerek aǵzaları qatnastı.

Kesheni mekteptiń monitoring hám ǵalaba ilajlardı shólkemlestiriwshi qánigesi B.Kubenova alıp bardı.
Keshede dógerek aǵzaları tárepinen tayarlanǵan dóretiwshilik jumıslarınıń kórgizbesi ótkerildi. Qánigeler tárepinen qorshaǵan ortalıqtıń pataslanıwınıń aldın alıw, ana-tábiyatımızdı taza halında saqlaw boyınsha keń túrde túsinikler berildi.
Keshe juwmaǵında dógerek aǵzalarınıń dóretiwshilik jumısları bahalanıp, olar birge islesiwshi shólkemler tárepinen tayarlanǵan Húrmet jarlıqları menen sıylıqlandı.

Qaraqalpaqstan xabar agentligi.