Taqıyatas rayonındaǵı Mono orayda “Biz zorlıqqa qarsımız” joybarı sheńberinde aǵartıwshılıq ilajı ótkerildi.

Onda ÓzLiDeP Taqıyatas rayonlıq Keńesiniń apparat basshısı Q.Aymuratov, rayon hákiminiń orınbasarı – shańaraq hám hayal-qızlar bóliminiń baslıǵı G.Bekbergenova, Respublika Ruwxıylıq hám aǵartıwshılıq orayı Taqıyatas rayonlıq bóliminiń baslıǵı, Joqarǵı Keńes deputatı M.Djumamuratova hám Mono oraydaǵı oqıwshı-qızlar qatnastı.
Ilaj dawamında bayanatshılar tárepinen hayal-qızlarǵa islenip atırǵan zorlıq kórsetiwge qarsı gúresiw, hayal-qızlarımızdıń xuqıqların qorǵaw boyınsha ámelge asırılǵan jumıslar tuwralı keń túrde maǵlıwmatlar berildi.
Atap ótilgenindey, tilekke qarsı sońǵı waqıtlarda hayal-qızlardı kúshli jınıs wákilleri tárepinen qádirsizlendiriw, qısım ótkeriw, zorlıq kórsetiw jaǵdayları baqlanbaqta. Hayal ázzi, biraq kúshli, hayal nashar, biraq ǵayratlı! Onıń shıdamlılıǵı aldında kerek bolsa ullılar da bas iyedi.
Gender teńligi, hayal-qızlar hám er adamlar arasındaǵı teń xuqıqlılıq, hayal-qızlardıń múmkinshiliklerin keńeytiw, zorlıq kórsetiwdiń aldın alıw máseleleri dodalanıp, pikir-usınıslar bildirildi.
Qatnasıwshılar ózlerin qızıqtırǵan sorawlarǵa juwap aldı.

Qaraqalpaqstan xabar agentligi.