Kegeyli rayonında Ózbekstan Respublikası Prezidentiniń 2024-jıl 30-dekabrdegi «Awıl xojalıǵı maydanlarındaǵı qosımsha imkaniyatlardan paydalanǵan halda ónim jetistiriwdi kóbeytiwge baylanıslı ilajlar haqqında»ǵı qararınıń orınlanıwın támiyinlew maqsetinde seminar bolıp ótti.

Seminarǵa Kegeyli, Shımbay, Qaraózek hám Taxtakópir rayonlarınıń awıl xojalıǵı tarawı wákilleri hám fermerler qatnastı.
Ilajda Ferǵana wálayatınan kelgen tájiriybeli diyqanlar atız shetinen nátiyjeli paydalanıw, atap aytqanda, terek nállerin egiw, olarǵa forma beriw hám tárbiyalaw boyınsha jıynalǵanlarǵa óz másláhátleri hám usınısların berdi.
Soń ferǵanalı diyqanlar respublikamızdaǵı fermer xojalıǵı basshıları hám basqa da isbilermenlik subektleri menen miyweli terek nállerin jetkerip beriw boyınsha óz-ara kelisim shártnamaların dúzdi.

Adilbay Orazov,
Qaraqalpaqstan xabar agentligi sholıwshısı