AQSh Prezidenti Donald Tramp Rossiya – Ukraina máselesin usı jıl báhárge shekem sheshiw niyetinde, dep jazdı Britaniyanıń «Independent» gazetası.

Xabarda aytılıwınsha, Aq úy basshısı rejesin ámelge asırıw ushın Kiev hám Moskva menen óz aldına jumıs alıp barıp atırǵan bolıwı múmkin. Burınıraq basqa derekler Tramp Moskva hám Kiev mashqalasın 100 kún ishinde sheshiw boyınsha kórsetpe bergeni haqqında jazǵan edi.
Xabarda «Rossiya Ukraina menen kelispewshilik máselesinde Amerikanıń jańa húkimeti menen sóylesiw ushın ashıq, bunnan maqset qısqa múddetli kelisim emes, al uzaq múddetli tınıshlıq bolıwı kerek», degen Vladimir Putinniń kózqarası keltiriledi.

Qaraqalpaqstan xabar agentligi