Densawlıqtı saqlaw tarawında xalıqaralıq tájiriybeler menen tanısıw, bul baǵdarda aldıńǵı tájiriybelerdi úyreniw, qollanıw xalqımızdıń iygiligi ushın birge islesiw bárqulla úlken áhmiyetke iye bolıp kelmekte.

Álbette, bunday xalıqaralıq birge islesiwler elimizde medicina tarawın jáne de rawajlandırıw hám sapalı medicinalıq xızmet túriniӊ zaman talaplarına sáykes bolıwına túrtki bermekte.
Usınday xalıqaralıq birge islesiwlerdi dawam ettiriw maqsetinde, Qubla Koreyanıń «Hub» kompaniyasınıń direktorı Sungwon Sul, “Solar Dream Co., Ltd kompaniyasınıń direktorı Dong-Sun, Han basshılıǵındaǵı delegaciyanı Qaraqalpaqstan Respublikası Densawlıqtı saqlaw ministri M.Qurbanov kútip aldı hám dógerek sáwbetin alıp bardı.
Sáwbetlesiw dawamında mámleketimizde medicina tarawında zaman talaplarına say xalıqaralıq joybar sheńberinde jaӊadan ózgerisler kirgiziw boyınsha sırt elli qánigelerdiӊ pikir-usınısları tıӊlandı.

Qaraqalpaqstan xabar agentligi