Aldın xabar berilgenindey, Qaraqalpaqstan Respublikasında kóterińki ruxta dawam etip atırǵan «Isbilermen hayal-qızlar hápteligi» sheńberinde Ózbekstanǵa xızmet kórsetken isbilermen, “Gúlshi apa” klasteriniń baslıǵı Sharofat Norievanıń gúl jetistiriw, qulpınay, zamarrıq ósiriw usılları boyınsha master-klass ótkerildi.
Ilaj sheńberinde bir kún ishinde Sh.Norieva tárepinen Nókis qalasındaǵı Bozawıl MPJda jasawshı “Temir dápter”degi eki hayalǵa ıssıxana qurıp berildi hám gúl nálleri, zamarrıq, qulpınay nálleri tapsırılıp, olardı egiw usılları úyretildi.
Háptelik sheńberinde Ózbekstan Sawda-sanaat palatası hám Sh.Norieva birgelikte Qaraqalpaqstan Respublikasınıń barlıq aymaqlarında gúlshi apanıń arnawlı mekteplerin shólkemlestiriw kelisip alındı.

Qaraqalpaqstan xabar agentligi.