Kuala-Lumpur qalasında Ózbekstan Respublikası Еkonomika hám qarjı ministrligi delegaciyası Malayziyanıń Isbilermenlik hám kooperativlerdi rawajlandırıw ministriniń orınbasarı Datuk Seri R.Ramanan menen ushırasıw ótkerdi.
Ushırasıwda kishi hám orta bizneslerdi qollap-quwatlaw, isbilermenlikti rawajlandırıw hám qorshaǵan-ortalıq, sociallıq hám kooperativ basqarıw (ESG) principlerin engiziw máseleleri dodalandı.

Tárepler hadal sertifikaciya sanaatın rawajlandırıw, turizm tarawında birge islesiwdi keńeytiw, sonıń ishinde, eki mámlekettiń isbilermenleri arasında tájiriybe almasıwǵa ayrıqsha áhmiyet qarattı.
Sistemalı seminarlar shólkemlestiriw hám óz-ara saparlardı ámelge asırıw boyınsha kelisimge erisildi.
Ilajda usı birge islesiw eki mámleket arasındaǵı ekonomikalıq qatnasıqlardı jáne de bekkemlep, turaqlı rawajlanıwda úlken áhmiyetke iye ekenligi atap ótildi.

N.Ziyodullaeva, ÓzA