Prezident Shavkat Mirziyoevtiń basshılıǵında ipoteka baǵdarlaması sheńberinde ámelge asırılǵan jumıslar hám 2025-jıl ushın rejelerdi dodalaw boyınsha videoselektor májilisi baslandı.

Ótken jıldıń ózinde 100 mıńnan aslam kvartiraǵa iye 2 mıń 44 kóp qabatlı turaq jay qurıldı. Jan basına turaq jay kólemi 19 kvadrat metrden astı (2020-jılı 16 kvadrat metr bolǵan).
Ulıwma, 2024-jılı elimizde 21,4 million kvadrat metr turaq jay hám 19,1 million kvadrat metr turaq jay emes obyektler, jámi 40,5 million kvadrat metr imarat-obyekt qurıldı.
Ótken jılı qurılǵan 100 mıń kvartira esabınan jumıstı bólip alıp islewshiler, basqarıw hám servis, qurılıs materialları, transport sıyaqlı tarawlarda 350 mıń adam jumıslı boldı. Mebel, elektrotexnika, toqımashılıq, qurılıs materialları tarawlarında qosımsha 11 trillion sumlıq bazar payda boldı.
Qurılıstı qollap-quwatlaw ushın 2024-jılı 17 trillion sum ipoteka krediti ajıratıldı, qurılısshı hám developerlerge aylanıs ushın jámi 3 trillion sum qarjı berildi.
Sonıń ushın mámleketimiz basshısı hákimler turaq jay qurılısına tek ǵana sociallıq yamasa qurılıs máselesi dep emes, al aymaǵınıń ekonomikalıq rawajlanıwında tiykarǵı «drayver» sıpatında qarawı kerek ekenligin atap ótti.

ÓzA