«In-Vitro» laboratoriyasında intensiv usılda nál jetistiriwdiń abzallıq tárepleri kóp. Bul usılda jetistirilgen ósimlikler bárinen burın jer maydanların 3-4 esege optimallastıradı. Ápiwayı usılda nál jetistiriw procesi 3-4 jıldı óz ishine alsa, laboratoriya sharayatında bul múddet 2 esege qısqaradı. Bunnan tısqarı tez ósiw, kesellikke hám zıyankeslerge shıdamlılıq hám ashıq ortalıqqa beyimlesiw sıyaqlı qolaylılıqlarǵa iye.

Qaraqalpaqstan Respublikası, Buxara, Surxandárya, Jizzaq, Ferǵana hám Tashkent wálayatlarında mámleketlik «In-Vitro» laboratoriyaların shólkemlestiriw, sonday-aq, jeke «In-Vitro» laboratoriyaların shólkemlestiretuǵın isbilermenlik subyektlerin qollap-quwatlaw rejelestirilmekte.
Bul usınıs keń jámiyetshilik wákilleri, ekobelsendiler, sociallıq tarmaq belsendileriniń pikir-usınısları tiykarında tayarlanǵan hám «Ózbekstan-2030» strategiyasın «Qorshaǵan ortalıqtı qorǵaw hám «jasıl» ekonomika jılı»nda ámelge asırıwǵa baylanıslı mámleketlik baǵdarlaması haqqındaǵı Ózbekstan Respublikası Prezidenti pármanınıń joybarında dodalawǵa qoyılǵan.
Bunıń ámeliyatqa engiziliwi qanday nátiyje beredi?
Joybarǵa bola, Oraylıq Aziya qorshaǵan ortalıqtı hám klimattı úyreniw universiteti (Green University) janındaǵı Toǵay xojalıǵı ilimiy-izertlew institutında zamanagóy «In-Vitro» laboratoriyaları shólkemlestiriledi.
Xalıqaralıq tájiriybede «In-Vitro» laboratoriyalarınan paydalanıw arqalı nál jetkeriw usılı keńnen en jayǵan usıl esaplanadı. Ósimliklerdiń kishi bólekleri (toqıma hám kletkaları)nen laboratoriyalarda mikrokóbeytiw bir qansha abzallıqlarǵa iye. Atap aytqanda, ósimliklerdi tez kóbeytiw imkaniyatı bar, kishkene jerden az waqıt ishinde kóp nál alınadı, jıl dawamında máwsimge qaramastan nál jetistiriledi. Nál jetistiriw procesi qáwipsiz hám únemli bolıp, salamat hám arzan nál jetistiriledi. Sonday-aq, ósimliktiń biologiyalıq ózgeshelikleri tolıq saqlap qalınadı, siyrek hám joǵalıp ketiw qáwipi bar ósimlikler bul usıl menen kóbeytilip, saqlap qalınadı.
Respublikada hár qıylı nállerdi tez hám kóp muǵdarda jetistiriw imkaniyatı hám nál jetistiriwdiń zamanagóy sistema jaratıladı. Bul usılda jetistirilgen ósimlikler, bárinen burın jerlerdi 3-4 esege optimallastıradı.

Muhayyo Toshqoraeva,
ÓzA