Qıs máwsiminde hár bir insan ushın ıssılıq támiynatı suw hám hawaday zárúr ekenin jaqsı bilemiz. Óziniń jeke háwlisinde jasawshı xalıq, jasaytuǵın bólmelerin ózi ısıtıp alıwı múmkin. Biraq kóp qabatlı turaq jaylarda jasawshı adamlar buǵan kirmeydi.

Sol sebepli ayırım jaǵdaylarda olarǵa kórsetilip atırǵan ıssılıq támiynatında mashqalalar ushırasıwı tábiyǵıy. Ayırım jaǵdaylarda xızmetler ushın da haqı tólew jaǵdayları ushırasadı. Bul jaǵday ıssılıq támiynatında úzilisler bolsa kórsetilmegen xızmet ushın qayta esap-sanaq ámelge asırıla ma yamasa joq pa degen soraw payda bolıwına alıp keledi.
Bul sorawǵa Báseki komitetiniń Bas qánigesi Samandar Normurodov juwap berdi.
Ózbekstan Respublikası Ministrler Kabinetiniń 2014-jıl 15-iyuldegi «Kommunallıq xızmetler kórsetiw qaǵıydaların tastıyıqlaw haqqında»ǵı qararı bar. Bul qarar menen tastıyıqlanǵan Kóp qabatlı turaq jaylarda ıssılıq támiynatı xızmetlerin kórsetiw qaǵıydalarına tiykarlanıp, tutınıwshı nızam hújjetlerinde, ıssılıq támiynatı shártnamasında yamasa ıssılıq támiynatı xızmetlerin kórsetiw haqqındaǵı shártnamada názerde tutılǵan jaǵdaylarda ıssılıq támiynatı xızmetleri kórsetilmegende yamasa xızmetler zárúr sapa hám tártipte kórsetilmegende járiymalar, penyalar tólewdi, qayta esap-sanaq ámelge asırılıwın talap etiw huqıqına iye.
Sonday-aq, Ózbekstan Respublikası «Tutınıwshılardıń huqıqların qorǵaw haqqında»ǵı Nızamnıń 21-statyası, 2-abzacında satıwshı (atqarıwshı) tutınıwshını haqı esabınan qosımsha tovarlar satıp alıwǵa yamasa qosımsha xızmetlerden paydalanıwǵa májbúrlewge, sonday-aq, kórsetilmegen xızmetler ushın haqı alıwǵa haqılı emes ekenligi belgilengen.

N.Rahmonova, ÓzA