Hár bir keselliktiń aldın alıw, insan salamatlıǵınıń kepili. Bunıń ushın hár bir adam salamat turmıs qálpine ámel etiwi, sport penen turaqlı túrde shuǵıllanıp barıwı hám hár jıl sayın medicinalıq tekseriwden ótiwi shárt.

Usı jıldıń 21-22-yanvar kúnleri aralıǵında Taxtakópir rayonı Dáwqara awıl puqaralar jıyını aymaǵında jaylasqan 37-sanlı shańaraqlıq poliklinikasında arnawlı shıpakerler tárepinen Dáwqara hám Qaratereń elatlarında jasawshı 178 puqara tereńlestirilgen medicinalıq tekseriwden ótkerildi.
Sonıń ishinde, usı medicinalıq tekseriwden ótkerilgen 86 puqaraǵa biypul dári-dármaqlar, profilaktikalıq hám sozılmalı kesellikleri bar puqaralarǵa ambulatoriyalıq sharayatta emleniwge usınıslar, zárúrligine qaray rayonlıq emlewxanaǵa emleniw ushın jollamalar berildi.

Adilbay Orazov,
Qaraqalpaqstan xabar agentligi sholıwshısı