Nókis rayonında rayonlıq Keńeske saylanǵan deputatlar ushın oqıw-seminarı shólkemlestirildi.

Seminarǵa Qaraqalpaqstan Respublikası Joqarǵı Keӊesiniń komitet baslıǵı Sh. Ótemisov hám siyasiy partiyalardıń Qaraqalpaqstan Respublikalıq Keńesleri baslıqları qatnastı.

Seminarda bayanatshılar tárepinen deputat jumısınıń nızamlılıq tiykarları,  saylawshılardıń múrájatları menen islesiwde olardıń atqaratuǵın xızmeti  hám juwapkershiligin arttırıw máseleleri kórip shıǵıldı.

Sonday-aq, ilajda deputatlardıń saylanǵan okrugi aymaǵındaǵı mashqalalar,  mámleketlik baǵdarlamalardıӊ tiyisli mámleketlik uyımlar tárepinen orınlanıwı ústinen qadaǵalaw, máhálle belsendileri menen islesiwdi ele de kúsheytiw baǵdarındaǵı wazıypalar boyınsha pikir alısıldı.

Qaraqalpaqstan xabar agentligi