Usı kúnlerde mámleketimizdiń bir topar islamtanıwshı ilimpazları Malayziya mámleketinde ilimiy-aǵartıwshılıq sapar menen bolıp turıptı.

Ózbekstan delegaciyasınıń Malayziyaǵa saparı sheńberinde Malayziya islamdı ańlaw institutında ushırasıw shólkemlestirildi.
Onda Imam Moturidiy, Imam Buxariy xalıqaralıq ilimiy-izertlew orayları wákilleri, Malayziya Islamdı ańlaw institutı direktorı Muhammad Ayzam bin Muhammad Odil hám Institut juwapkerleri qatnastı.
Ushırasıwda Malayziya hám Ózbekstannıń diniy-aǵartıwshılıq baǵdarındaǵı bilimlendiriw hám ilimiy-izertlew mákemeleri arasındaǵı birge islesiw máseleleri dodalandı.
Malayziya islamdı ańlaw institutı direktorı Muhammad Ayzam bin Muhammad Odil sońǵı jılları Ózbekstan Respublikası Prezidenti Shavkat Mirziyoevtiń baslaması menen diniy tarawda keń kólemli reformalar ámelge asırılǵanı, bul unamlı ózgerislerdi pútkil dúnya jámiyetshiligi sıyaqlı Malayziyadaǵı ilimiy toparlar da minnetdarshılıq penen qabıl etip atırǵanın ayrıqsha atap ótti.
Islamdı ańlaw institutı direktorı Ózbekstandaǵı xalıqaralıq ilimiy –izertlew orayları menen birge islesiwden minnetdar ekenin atap ótti.
Ushırasıw ashıq, konstruktiv, qızǵın hám doslıq ruwxta ótti.

ÓzA