Qońırat rayonlıq medicina birlespesinde birinshi márte “Búyrek kóshirip ótkeriw” operaciyası ámelge asırıldı.
Shımbay rayonında jasawshı, puqara Gulzarxan Karamatdinova bir neshshe jıllardan berli “Dawamlı glomerulonefrit aralas forması. Búyrek jetispewshiligi rejeli gemodializ” keselligi menen nawqaslanıp, turaqlı emlenip kiyatırǵan edi.
Nawqastıӊ donorı, anası Sveta Tureeva óz qálewi menen bir búyregin qızına beretuǵın boldı.
“Búyrek kóshirip ótkeriw” operaciyası ushın bul eki puqara, Akademik V.Vahidov atındaǵı respublikalıq qánigelestirilgen ilimiy xirurgiya orayında operaciya ushın barlıq medicinalıq tekseriwlerden ótkerilgen hám operaciya ushın juwmaq berilgen.
Operaciyanı jergilikli hám Tashkent qalasınan kelgen xirurg tájiriybeli shıpakerler ámelge asırıp, nátiyjeli juwmaqlandı. Házirgi waqıtta eki puqaranıӊ da densawlıǵı jaqsı.

Qaraqalpaqstan xabar agentligi.