Ózbekstan Jurnalistler awqamında Tashkenttegi Geydar Áliev atındaǵı Ázerbayjan Mádeniyat orayınıń juwapkerleri – jańadan tayınlanǵan direktor Akif Marifli hám basshı Yusif Mammadov penen ushırasıw ótkerildi.

Sóylesiw dawamında eki tuwısqan xalıq arasındaǵı doslıq baylanıslar barlıq tarawlar, sonıń ishinde, mádeniy-aǵartıwshılıq, media baǵdarlarında da rawajlanıp atırǵanı atap ótildi.
Awqam baslıǵı wazıypasın atqarıwshı Xolmurod Salimov miymanlarǵa jámáátte jolǵa qoyılǵan jumıs sisteması, awqamnıń tariyxı, búgingi kúni haqqında aytıp berdi. Oray xızmetkerleri málimleme xızmeti hám media orayı sonday-aq, «Hurriyat» gazetasınıń jumısı menen de jaqınnan tanıstı.
Tárepler keleshekte ámelge asırılatuǵın ulıwmalıq ilajlar haqqında pikir alıstı. Birge islesiwdi izbe-iz rawajlandırıwǵa kelisip alındı.

ÓzA