Shomanay rayonı hákimi A.Ametovtıń basshılıǵında isbilermenler menen ushırasıw ótkerildi. Onda rayondı ekonomikalıq jaqtan rawajlandırıw, isbilermenlerdiń jumısların qollap-quwatlaw hám olardıń jumıslarında ushırasıp atırǵan mashqalalar dodalandı.

Isbilermenler ózlerin qızıqtırǵan máselelerdi tikkeley rayon hákimine jetkeriw imkaniyatına iye boldı. Olar ózleriniń pikir-usınısları menen mashqalaların ashıq-aydın hám shın kewilden bildirip, rayonnıń ekonomikalıq rawajlanıwına qanday úles qosıw múmkin ekenligi haqqında pikir alıstı.
Ushırasıwda isbilermenler tárepinen kóterilgen mashqalalardı sheshiw ushın tiyisli shólkemlerge tapsırmalar berildi. Hákim isbilermenlerdi qollap-quwatlawǵa, olardıń jumısın rawajlandırıwǵa hám rayonnıń ekonomikalıq rawajlanıwına úles qosıwǵa tayar ekenin atap ótti.
Bunday ushırasıwlardıń ótkeriliwi rayon basshıları hám isbilermenler arasındaǵı óz-ara isenim hám birge islesiwdi bekkemlewge, ekonomikalıq rawajlanıwına úles qosıwǵa, al isbilermenlerdiń usınıs hám mashqalaların sheshiw rayonnıń ekonomikalıq jumısın bunnan bılay da rawajlandırıwǵa, jańa jumıs orınların jaratıwǵa hám xalıqtıń turmıs dárejesin arttırıwǵa járdem beredi.

Qaraqalpaqstan xabar agentligi