Kay Xaverctıń hámiledar hayalın sociallıq tarmaqlar arqalı qorqıtıp atır, dep jazbaqta «VVS» basılımı.

«Arsenal» komandası ekshembi kúni Angliya kuboginde «Manchester Yunayted»ten utılıp turnirdi tárk etkennen soń «Arsenal» hújimshisi Key Xaverctıń hayalı sociallıq tarmaqlar arqalı qáweterli xabar alǵanın málim etken. Olardıń arasında «Úmit etemen, sen abort isleteseń», «Házillesip atırǵanım joq, men úyińe barıp balańdı óltiremen» sıyaqlı qáweterli qorqıtıwlar da bolǵan.
Kay Xaverc bul oyında derlik bos qalǵan «MYu» dárwazasına gol kirgize almaǵan hám aqırında penaltiden de paydalana almaǵan edi. Bul qorqıtıwlarǵa futbolshınıń oyındaǵı unamsız háreketleri sebep bolǵan, delinedi xabarlarda.
Házir, «Arsenal» klubı bul jaǵday boyınsha, qáweterli xabarlar jibergen sociallıq tarmaq paydalanıwshıların anıqlaw ushın policiyaǵa arza bergen.

Qaraqalpaqstan xabar agentligi