Kegeyli rayonı hákimligi májilisler zalında aymaqlarda hayal-qızlardıń mashqalaların úyreniw hám «hayal-qızlar dápteri»niń 6-basqıshın sapalı shólkemlestiriwge baǵıshlanǵan seminar bolıp ótti.
Oǵan Ózbekstan Respublikası Kásiplik awqamları Federaciyası Baslıǵınıń orınbasarı B.Sultanov, Qaraqalpaqstan Respublikası Ministrler Keńesi Baslıǵınıń orınbasarı M.Axmedova, Kegeyli rayonı hákimi A.Kamalov, sektor basshıları, hákim orınbasarları hám rayondaǵı «Máhálle jetilikleri» qatnastı.
Seminarda shıǵıp sóylewshiler tárepinen Ózbekstan Respublikası Ministrler Kabinetiniń 2024-jıl 10-dekabrdegi 833-sanlı qararı hám Qaraqalpaqstan Respublikası Ministrler Keńesiniń 2024-jıl 23-dekabrdegi arnawlı protokolında belgilep berilgen wazıypalardı orınlaw, sonday-aq, rayon aymaǵındaǵı máhállelerde hayal-qızlardıń mashqalaların úyreniw hám «Hayal- qızlar dápteri»niń 6-basqıshın sapalı shólkemlestiriw boyınsha isleniwi tiyis wazıypalar keń túrde dodalanıp, orınlarda júz berip atırǵan kemshiliklerdi saplastırıw boyınsha juwapkerlerge kórsetpeler berildi.
Ilajda qatnasıwshılar tárepinen bayanatshılarǵa sorawlar berilip, olarǵa juwaplar aldı.
Usı mazmundaǵı seminarlar respublikamızdıń basqa aymaqlarında da bolıp ótpekte.
Adilbay Orazov,
Qaraqalpaqstan xabar agentligi sholıwshısı