Húkimettiń qararı menen (8-sanlı, 11.01.2025 j.) Ministrler Kabinetiniń qararına ózgeris hám qosımshalar kirgizildi.
Atap aytqanda, Ózbekstan Respublikası Ministrler Kabinetiniń «Jaslardı sociallıq qollap-quwatlaw boyınsha qosımsha ilajlar haqqında»ǵı 132-sanlı qararına tómendegilerdi názerde tutatuǵın ózgerisler hám qosımshalar kirgizildi.
Sonıń ishinde, ulıwma orta hám orta arnawlı, kásiplik bilimlendiriw shólkemleriniń asxanaları isbilermenlik subyektlerine “E-AUKSION” elektron sawda platforması arqalı tańlaw tiykarında ijaraǵa beriledi.
“online-ijara.uz” málimleme sisteması arqalı bilimlendiriw shólkemleri asxanalarınıń esabatın júrgiziw hám olardı ijaraǵa beriw múmkin.
Sonday-aq, bilimlendiriw shólkemlerinde salamat awqatlanıw shólkemlestiriliwin monitoring etiw hám qadaǵalaw, respublika atqarıw hákimiyatı uyımlarınıń atamaların nızamshılıq hújjetlerine muwapıqlastırıw múmkin.
Tańlawda tómendegi talaplarǵa juwap beretuǵın ijaraǵa alıwshılar qatnasıwı múmkin.
Sonıń ishinde, isbilermenlik subyektlerin júrgiziw ushın mámleketlik dizimnen ótken, ulıwma awqatlanıw boyınsha keminde 6 ay dawamında jumıs alıp barıp atırǵan, asxana jumısı baǵdarı boyınsha arnawlı úskenelerge iye bolǵan, shártnama hám sud hújjetleri boyınsha ijara hám salıq tólemlerinen qarızdarlıǵı bolmaǵan shaxslar qatnasıwı múmkin.
Gulnoza Boboeva, ÓzA