Respublikamız ekonomikasına investiciyalardı tartıw hám xalıqaralıq birge islesiwdi rawajlandırıw maqsetinde, usı kúnleri Qaraqalpaqstan Respublikası Ministrler Keńesiniń Baslıǵı Farhad Еrmanov xızmet saparı menen Qıtay Xalıq Respublikasında bolıp turıptı.
Sapar dawamında qıtaylı isbilermenler menen eki tárepleme birge islesiw baǵdarların dodalaw hám jańa joybarlardı ámelge asırıw boyınsha áhmiyetli kelisimlerdi ámelge asırıw gózlengen. Atap aytqanda, ushırasıwlarda energetika, sanaat, awıl xojalıǵı, texnologiya hám innovaciyalar tarawlarında respublikamızǵa investiciya kirgiziw boyınsha kelisimler kórip shıǵılmaqta.
Óz-ara ushırasıwlar barısında Qıtay Xalıq Respublikası isbilermenleri Ózbekstandaǵı investiciyalıq ortalıq hám ekonomikalıq reformalarǵa joqarı baha berip, olar ózleri menen birge zamanagóy texnologiyalar, qarjı resursları hám xalıqaralıq tájiriybe alıp keliwge tayar ekenin bildirdi.
Ushırasıwlar dawam etpekte.

Qaraqalpaqstan xabar agentligi