Ájiniyaz Qosıbay ulınıń 200 jıllıǵı múnásibeti menen shıǵarmaları túrkmen tiline awdarmalanıp, kitap bolıp basılıp shıqtı.

Onda shayırdıń 70 ten aslam qosıq hám poemaları orın alǵan. Kitap Berdaq atındaǵı QMU dıń oqıtıwshısı Sayat Avezqilicheva tárepinen awdarma islengen. Ol Davletmammet Azadiy atındaǵı túrkmen milliy jáhán tilleri universitetin pitkergen hám házirgi waqıtta studentlerge sabaq berip kelmekte. Ol bunnan basqa «Túrkiy xalıqlar ádebiyatı», «Sóylew mádeniyatı» sıyaqlı metodikalıq oqıw-qolanbalarınıń hám túrkmen folklorına, klassik ádebiyatına jáne dástanlarına arnalǵan bir neshe maqalalardıń avtorı. «Ebedi şygyrlar»atamasındaǵı bul kitaptıń tayarlanıwında Qaraqalpaqstan túrkmen milliy-mádeniy orayı qáwenderlik etken.

Qaraqalpaqstan xabar agentligi