Mektepke shekemgi hám mektep bilimlendiriwi ministrliginiń juwapker xızmetkerleri hám Koreya xalıqaralıq birge islesiw agentligi (KOICA)niń Ózbekstandaǵı wákilxanası baslıǵınıń orınbasarı Li Min Jyong basshılıǵındaǵı delegaciya aǵzaları arasında ushırasıw bolıp ótti.

Sóylesiw procesinde «Ózbekstanda kadrlar tayarlaw, oqıtıw hám mamanlıǵın arttırıw boyınsha oray hám innovaciyalıq mámleketlik mektepke shekem bilim beriw shólkemin qurıw arqalı mektepke shekemgi bilimlendiriwde pedagog kadrlardıń potencialın arttırıw» joybarı sheńberinde birgelikte ámelge asırılǵan jumıslar hám kelesi rejeler dodalandı.
Atap ótiliwinshe, ótken jıl dawamında joybar sheńberinde bir qatar jumıslar alıp barıldı. Sonıń ishinde, 6 mıńǵa shamalas oqıtıwshı hám tárbiyashınıń mamanlıǵı kaskad usılında arttırıldı, pedagoglardıń mamanlıǵın arttırıw ushın 200ge shamalas trenerler tayarlandı.
Bıyılǵı jılı joybar sheńberindegi qurılıs jumısların 80 procentke jetkeriw, 500 mektepke shekemgi bilimlendiriw tarawı pedagoglarınıń mamanlıǵın arttırıw hám onıń ushın 88 trener tayarlaw názerde tutılǵan.
Maǵlıwmat ornında KOICA menen birgelikte ámelge asırılıp atırǵan bul joybar múddeti 2026-jılǵa shekem mólsherlengenin atap ótiw zárúr.

Muhayyo Toshqoraeva, ÓzA