Búgin, 8-yanvar kúni Qırǵızstan, Tájikstan hám Ózbekstan húkimetleri basshılarınıń ushırasıwı bolıp ótti.
Tárepler bul ushırasıw úsh mámleket basshıları arasında mámleketlik shegara máseleleri boyınsha aldın erisilgen kelisimler sheńberinde ótkerilip atırǵanın, olar birge islesiw hám regionallıq integraciyanı bekkemlew tilegin bárqulla qollap-quwatlap kiyatırǵanın atap ótti.
Bas minitsrler sawda, logistika, suw-energetika, mádeniy-gumanitarlıq baylanıslar sıyaqlı áhmiyetli baǵdarlarda óz-ara birge islesiwdi bekkemlew ushın mámleketler úlken potencialǵa iye ekenin atap ótti. Birge islesiwdiń áhmiyetli quramlıq bólegi, olardıń pikirinshe, transshegaralıq hám regionlararalıq rawajlanıw bolıp, bul mámleketler arasındaǵı óz-ara birge islesiwdi jaqsılaw mexanizmi bolıp esaplanadı.
Bunnan tısqarı, ushırasıwda Qırǵızstan hám Ózbekstan arasındaǵı mámleket shegarasın delimitaciyalaw hám «Qırǵızstan –Ózbekstan mámleket shegarası haqqında»ǵı shártnama ushın ratifikaciya hújjetleri almasıw processii juwmaqlanǵanı atap ótildi.
Qırǵızstan hám Tájikstan arasındaǵı 2024-jıl 4-dekabrdegi mámleketlik shegaranı haqqındaǵı kelisimde Qırǵızstan –Tájikstan mámleketlik shegarasınıń qalǵan uchastkaların bólistiriw procesin juwmaqlaw ayrıqsha áhmiyetli ekenligi atap ótilgen. Ushırasıwda jumısshı toparlar qısqa waqıt ishinde juwmaqlawshı hújjetlerdi tayarlawı kerek ekenligi atap ótildi.
Ushırasıw juwmaqları boyınsha húkimet basshıları búgingi ushırasıw halıqlar hám mámleketlerdiń abadanlıǵı máplerinen kelip shıqqan halda regionnıń onlaǵan jıllardaǵı táǵdirin sheshetuǵınına isenim bildirdi. Mámleket basshılarınıń aldaǵı bolıp ótetuǵın ushırasıwı tuwısqan mámleketler arasında jaqsı qońsıshılıq hám kóp táreplemeli sheriklik qatnasıqların rawajlandırıwǵa xızmet etetuǵını atap ótildi.
Ushırasıw úsh mámleket –Qırǵızstannıń Botken wálayatı, Ózbekstannıń Ferǵana wálayatı hám Tájikstannıń Swǵd wálayatı mámleketlik shegaraları baylanısqan aymaqta bolıp ótti,-dep málimleme beredi xabar.uz saytı.
Qaraqalpaqstan xabar agentligi