Búgin Hindstannıń Lakxnau qalasında gandbol boyınsha jas óspirimler hám jaslar arasında Xalıqaralıq gandbol federaciyası kuboginiń Aziya kontineti basqıshı óz juwmaǵına jetedi.
Ótkerilip atırǵan kubok jarısına Ózbekstan U-18 hám U-20 saylandı komandaları da tabıslı qatnaspaqta. Atap aytqanda, kuboktiń yarım final bellesiwlerinde eki saylandı komandamız da bangladeshli gandbolshılardı jeńip shıǵıwǵa miyasar boldı.
Búgin usı jarıstıń final bellesiwleri ótkerilip, jas óspirimlerimiz Hindstan, U-20 komandamız Qazaqstan saylandı komandası menen jeńimpazlıq ushın maydanǵa túsedi.
Adilbay Orazov,
Qaraqalpaqstan xabar agentligi sholıwshısı