Jańa jıl bayramı múnásibeti menen ámelge asırılıp atırǵan sociallıq baslamalar sheńberinde Qaraqalpaqstan Respublikası Joqarǵı Keńesiniń deputatı A.Reymov ózi saylanǵan aymaq Nókis qalasındaǵı Aq otaw, Tuńǵısh qonıs hám Juwazshı mákan puqaralar jıyınlarında sociallıq járdemge mútáj hám mayıplıǵı bolǵan puqaralar menen sáwbetlesip, olardıń pikir-usınısların tıńladı.
Bayram múnásibeti menen olarǵa azıq-awqat ónimlerin tapsırıldı. Máhállelerde jasawshı sociallıq járdemge mútáj shańaraqlar hám jalǵız baslı kekseler deputat penen sáwbetlesip, pikir-usınısların bildirdi hám kórsetilip atırǵan usınday itibar ushın Prezidentimizge hám respublikamız basshılarına ózleriniń minnetdarshılıǵın bildirdi.
– Kekselerdiń pikir-usınısların tıńlaw olarǵa itibar hám mehir kórsetiw – biziń tiykarǵı wazıypamız. Hár bir puqaraǵa járdem beriw, olardıń turmıs sharayatın jaqsılaw ushın bar imkaniyatlarımızdı jumsaymız,-deydi deputat A.Reymov. – Bunday iygilikli isler tek ǵana bayram kúnleri emes, al jıl dawamında dawam ettiriliwi rejelestirilgen.
Qaraqalpaqstan xabar agentligi.