Ózbekstan Respublikası Bas ministriniń orınbasarı Jamshid Xwjaev basshılıǵındaǵı delegaciya AQShqa bardı.
Amerikanıń iri isbilermen topar wákilleri menen bolıp ótken dógerek sáwbetinde Cove Capital LLC, City, Bridge Capital Group, Creative Associates, FL Smith, dōTERRA, Creative Associates, FL Smith, dōTERRA, CalCity Industrial Park LLC, Crown Iron Works, Edvard, Austin, Nobel- Systems, North Coast Communications, Komatsu, JP Morgan, Minnesota Soybean Association sıyaqlı 40 tan aslam iri kompaniya hám korporaciyalardıń basshıları qatnastı.

Sóylesiw dawamında Ózbekstan-Amerika Sawda palatası basshılıǵı, Aq úy hákimshiligi hám AQSh Sawda ministrliginiń ekspertleri de qatnastı. Isbilermen toparlardıń wákilleri Ózbekstannıń Jáhán sawda shólkemine aǵza bolıwı boyınsha AQSh penen sóylesiwleriniń tabıslı juwmaqlanǵanın alǵısladı hám bul process mámleketimizdiń xalıqaralıq ekonomikalıq baylanısların jáne de bekkemlewge xızmet etetuǵını atap ótildi.
Óz gezeginde, Amerika kompaniyalarınıń basshılarına Ózbekstan hám AQSh arasındaǵı strategiyalıq sheriklik qatnasıqlarınıń rawajlanıw dinamikası, mámleketimizde sırt el investorları ushın jaratılǵan keń imkaniyatlar, birgeliktegi jańa joybar baslamaları usınıldı.
Qatnasıwshılar Ózbekstandaǵı reformalardıń nátiyjelerin, atap aytqanda, taw-kán sanaatı, málimleme texnologiyaları hám telekommunikaciyalar, awıl xojalıǵı, mashina qurılısı hám agrosanaat kompleksi sıyaqlı tarawlarda jaratılǵan imkaniyatlardı joqarı bahaladı.
Ilaj interaktiv túrde ótkerildi – hár bir kompaniya basshısı menen dógerek sáwbetinde de, G2B formattaǵı sóylesiwlerde de birge islesiw perspektivaları hár tárepleme dodalandı.
Dógerek sáwbetiniń juwmaqları boyınsha tárepler birge islesiwdi bekkemlew baǵdarında kelesi jıl ushın háreketler rejesin islep shıǵıwǵa kelisip aldı.

B.Xudoyberdiev, ÓzA