«Ózbekstan Respublikası Húkimetiniń ayırım qararlarına ózgerisler hám qosımshalar kirgiziw haqqında»ǵı Húkimet qararı qabıl etildi.

Qararǵa bola, 5 túrdegi mámleketlik xızmetlerdi proaktiv túrde hám 6 túrdegi mámleketlik xızmetlerdi kompozit túrde kórsetiw jolǵa qoyılmaqta.
Onda:
Tómendegi mámleketlik xızmetlerdi proaktiv túrde kórsetiw jolǵa qoyılmaqta:
– elektr energiyasın esapqa alıw úskenelerin dáwirlik salıstırıwdan ótkeriw;
– tábiyǵıy gazdi esapqa alıw úskenelerin dáwirlik salıstırıwdan ótkeriw;
– ishimlik suwın esapqa alıw úskenelerin dáwirlik salıstırıwdan ótkeriw;
– ıssı suwdı esapqa alıw úskenelerin dáwirlik salıstırıwdan ótkeriw;
– jeke menshik bántlik agentliklerin Jeke menshik bántlik agentliklerdiń reestrine kirgiziw.
Proaktiv mámleketlik xızmeti – fizikalıq hám yuridikalıq táreplerdiń múrájatlarısız wákillikli uyımlardıń baslaması menen kórsetiletuǵın mámleketlik xızmetler.
Sonday-aq, tómendegi mámleketlik xızmetlerdi kompozit túrde kórsetiw jolǵa qoyılmaqta:
– kóshpes múlkke bolǵan huqıqtı mámleketlik dizimnen ótkeriw hám usı mánzilge turaqlı jasaw ornı boyınsha dizimge qoyıw;
– kóshpes múlk ijara yamasa biypul paydalanıw shártnamaların mámleketlik salıq xızmeti uyımlarında esapqa qoyıw hám usı mánzilge waqtınsha turǵan ornı boyınsha dizimge qoyıw;
– mámleketke tiyisli imarat yamasa obyektti bir jıldan az bolmaǵan múddetke ijaraǵa beriw hám kóshpes múlkke bolǵan huqıqtı mámleketlik dizimnen ótkeriw;
– «3-a7k!89n» elektron sawda platformasında kóshpes múlk obyektlerin satıw hám kóshpes múlkke bolǵan huqıqlardı mámleketlik dizimnen ótkeriw;
– medicinalıq jumıs ushın licenziya menen birge rentgen úskenesinen paydalanıw ushın ruqsatnama alıw;
– qáwipli júklerdi tasıw ushın sıyımlardıń jaramlılıǵı haqqında juwmaq penen birge yadrolıq hám radioaktiv materialları, radiaciya derekleri, radioaktiv shıǵındılar hám qurılmalardı tasıw shártleri hám usıllarınıń sanitariyalıq qaǵıydalarǵa muwapıq ekenligi haqqında juwmaq alıw.
Kompozit mámleketlik xızmet – fizikalıq hám yuridikalıq táreplerdiń bir múrájatı tiykarında wákillikli uyımlar tárepinen kórsetiletuǵın eki hám onnan artıq mámleketlik xızmetler kompleksi.
Bunnan tısqarı, tómendegi 2 túrdegi ruqsat beriw ózgesheligine iye mámleketlik xızmetlerdi kórsetiw pasportları tastıyıqlandı:
– arnawlı kirgiziletuǵın biologiyalıq aktiv elementler, jańa ximiyalıq elementler, azıq-awqat qosımshaları, biologiyalıq qurallar hám materiallar polimer hám plastikalıq massalar, parfyumeriya-kosmetika ónimin (BAD) alıp kiriw hám islep shıǵarıw huqıqın beriwshi sertifikat alıw.
Tómendegi 3 túrdegi jumıs túrlerin xabardar etiwdi názerde tutıwshı mámleketlik xızmetlerdi kórsetiw pasportları tastıyıqlandı:
– bajıxana brokeri jumısı;
– xalıqaralıq kuryerlik jóneltpelerdi jetkerip beriw boyınsha jumıs;
– mámleketlik emes arxivlerdi shólkemlestiriw boyınsha jumıs.
Usı múnásibet penen, belgilengen mámleketlik emes arxivler jumısın shólkemlestiriwge baylanıslı tártipler biykar etildi.

ÓzA