Prezident Shavkat Mirziyoevtiń basshılıǵında isbilermenlikti hár tárepleme qollap-quwatlaw boyınsha bıyılǵı jıldıń juwmaqları hám 2025-jılǵa tiykarǵı rejeler boyınsha videoselektor májilisi hám jetekshi isbilermenler menen sóylesiw dawam etpekte.

Sońǵı jıllarda ekonomikamızda pul kóbeygeni, investiciya joybarların turaqlı qarjılandırıwdıń bekkem tiykarı jaratılǵanı atap ótildi.
Sonıń ishinde, kárxanalardıń banklerdegi qarjıları 20 trillion sumǵa artıp, 107 trillion sumǵa jetti. Xalıqtıń amanatları da 25 trillion sumǵa kóbeyip, 105 trillion sum boldı.
Bul banklerimiz turaqlı rawajlanıp atırǵanı, olarǵa xalıq hám isbilermenlerimizdiń isenimi artıp atırǵanınıń dálili ekeni atap ótildi.
Jıldıń juwmaǵı menen ajıratılǵan ulıwma kreditler 275 trillion sumdı quraydı. 2025-jılı bul 300 trillion sumnan artatuǵını esap-sanaq etilgen.
Ásirese, kishi bizneske beriletuǵın kreditlerdiń úlesi házirgi 28 procentten 40 procentke arttırılıp, 120 trillion sumǵa jetkeriledi.
Isbilermenlerdiń talabınan kelip shıǵıp banklerimiz 2025-jılda shetten mámleketlik kepilliksiz 6 milliard dollar tartatuǵını rejelestirilgen.

ÓzA