Abat Fayzullaev Ózbekstannıӊ Kiprdegi elshisi etip tayınlandı, dep xabar bermekte «Dunyo» MA.

Málim etiliwinshe, elshi Kipr Prezidenti Nikos Xristodulidiske isenim jarlıqların tapsırǵan.
Kipr Prezidenti sırt elli diplomatlardan isenim jarlıqların qabıllaw máresimindegi shıǵıp sóylegen sózinde jaӊa elshilerdi qızǵın qutlıqlap, olarǵa óz wazıypaların ámelge asırıwda tabıslar tilegen. Sonday-aq, ol Ózbekstan menen qatnasıqlar perspektivalarına da ayrıqsha toqtap ótken.
«Ózbekstan menen eki tárepleme , sonday-aq, Evropa Awqamı sheӊberindegi birge islesiw baylanısların rawajlandırıwǵa ayrıqsha itibar qaratamız», dedi Kipr jetekshisi.
Maǵlıwmat ushın, Ózbekstan hám Kipr arasındaǵı diplomatiyalıq qatnasıqlar 1997-jıldıӊ 30-mayında ornatılǵan.

Qaraqalpaqstan xabar agentligi