Duyshonkul Chotonov Qırǵızstannıӊ Ózbekstandaǵı jaӊa elshisi etip tayınlandı.

Mámleket prezidenti Sadir Japarov Chotonovtı Qırǵızstannıӊ Ózbekstandaǵı ayrıqsha hám tolıq huqıqlı elshisi etip tayınladı. Chotonov aldın Koreya hám Vetnamda da elshi bolǵan.
Chotonov 1967-jıldıӊ 2-oktyabr kúni Oshta tuwılǵan. Ol aldın Qırǵızstannıӊ Koreya Respublikası (2011-2015) hám Vetnam (eki jumıstı birge alıp barıw tiykarında, 2012-2015) nıӊ ayrıqsha hám tolıq huqıqlı elshisi bolǵan.
Ol «Ata Meken» partiyasınan Jogorku Kenesh Nızamshılıq assambleyası deputatı bolǵan. 2010-jılı waqıtsha húkimette ayrıqsha jaǵdaylar ministriniӊ wazıypasın atqarǵan. Qırǵızstannıӊ Ózbekstandaǵı elshisi sıpatında aldın Musa Jamanbaev jumıs islegen.

Qaraqalpaqstan xabar agentligi