Tashkentte Túrkiy mámleketler shólkemine aǵza mámleketlerdiń málimleme tarawı ministrleri hám joqarı dárekleri juwapker shaxslarınıń 6-májilisi, Media hám málimleme boyınsha jumısshı topardıń 11-májilisi hám Túrkiy mámleketler shólkemi media forumı bolıp ótpekte.

Ilajda “International Hotel Tashkent”te Media hám málimleme boyınsha jumısshı topardıń 11-májilisi menen baslandı, dep xabar etpekte MǴKA málimleme xızmeti.
Májiliste Málimleme hám ǵalaba kommunikaciyalar agentligi direktorınıń birinshi orınbasarı Dilshod Saidjonov málimleme tarawındaǵı xalıqaralıq birge islesiw máseleleri haqqında sóz etti.
Jumısshı topar májilisinde TMShǵa aǵza mámleketlerdiń málimleme tarawı wákilleri hám joqarı mártebeli juwapker shaxslardıń 6-májilisiniń Tashkent bildiriwiniӊ joybarı kórip shıǵıldı.
Sonday-aq, májilis qatnasıwshıları «2024-2025-jıllarǵa mólsherlengen Túrkiy mámleketler shólkeminiń málimleme tarawındaǵı háreketler rejesi»n islep shıǵıw boyınsha usınıs hám pikirlerin bildirdi.
Sonday-aq, Túrkiya deleradioesittiriwdi tártipke salıwshı uyımlar forumın shólkemlestiriw baǵdarındaǵı usınıs dodalandı.
Májiliste «Túrkiy mámleketler shólkemine aǵza mámleketler arasında telekórsetiw hám radioesittiriwler translyaciya haqqında»ǵı kelisimge qol qoyıw máselesi kórip shıǵıldı.
Májilis juwmaǵında Media hám málimleme tarawı ministrleri hám joqarı mártebeli lawazımlı shaxslardıń 7-májilisi hám Túrkiy mámleketler shólkemi Media hám málimleme boyınsha jumısshı toparınıń 12-májilisin ótkeriw ornı hám sánesin belgilew boyınsha pikirler bildirildi.

ÓzA