Ózbekstanda qayta tikleniwshi energiya derekleri úskeneleri sapasın bahalaw sınaw laboratoriyasın shólkemlestiriw boyınsha dáslepki hújjetke qol qoyıldı.

Bul kelisim Ózbekstan texnikalıq jaqtan tártipke salıw agentligi direktorı Akmal Jumanazarov, Koreya Sawda, investiciyalar, sanaat hám energetika ministrligi, Koreya aldınǵı texnologiyalar institutı hám Koreya muwapıqlıq laboratoriyaları wákilleri menen bolıp ótken ushırasıwda dúzildi.
Sonday-aq, mámleketimizde ámelge asırılıp atırǵan Koreya joybarlarınıń búgingi jaǵdayı hám birge islesiwdi jáne de rawajlandırıw perspektivaları kórip shıǵıldı, delinedi Ózbekstan texnikalıq jaqtan tártipke salıw agentligi maǵlıwmatında.
Bunnan tısqarı, Koreya ekspertleri tárepinen energiya siyasatınıń global tendenciyaları, Ózbekstanda qayta tikleniwshi energiya derekleriniń házirgi jaǵdayı hám energiya qurılmalarınıń sapasın qadaǵalaw orayın shólkemlestiriw boyınsha seminar-trening bolıp ótti.

ÓzA