Keshe Italiya kuboginiń 1/8 final oyınları bolıp ótti.

Usı oyınlar sheńberinde Rimniń «Roma» klubı Genuyanıń «Sampdoriya» komandasına qarsı maydanǵa túsip, óz qarsılasların 4:1 esabında jeńip shıǵıwǵa miyasar boldı.
Atap aytqanda, ushırasıwdıń 9-minutında Artyom Dovbik esaptı ashqan bolsa, 19-minutında usı futbolshı jáne bir márte «Sampdoriya» dárwazasın anıq nıshanǵa alıwǵa eristi.
Bunnan soń rimliler jáne de kóbirek hújimler shólkemlestirip, oyındaǵı esaptı 3:0 ge jetkerdi.
61-minutta «Sampdoriya» futbolshısı Yepes oyındaǵı esaptı qısqartqan bolsa, 78-minutta Artyom Dovbik ornına maydanǵa túsken Ózbekstan saylandı komandası Еldor Shomuradov aradan 1 minut ótip, qarsılas komanda dárwazasına gol urıwǵa miyasar boldı.
Ushırasıwdıń qalǵan minutlarında basqa esap ózgermedi.

Adilbay Orazov,
Qaraqalpaqstan xabar agentligi sholıwshısı