Elimiz boylap “Jasıl mákan” ulıwma milliy joybarı sheńberindegi ilajlar dawam etpekte.

Qaraqalpaqstanlı suwshılar da bul joybarda belsene qatnaspaqta.
– Usı joybar tiykarında 2024-jılı sistema shólkemlerinen Qaraqalpaqstan nasos stanciyası hám energetika basqarması tárepinen Xojeli rayonındaǵı rezervtegi jerden 11 gektar maydanǵa “Suwshılar baǵı” shólkemlestirildi,-deydi Qaraqalpaqstan Respublikası Suw xojalıǵı ministrliginiń málimleme xızmeti baslıǵı Ǵ.Atajanov.
Bunnan tısqarı, Xojeli rayonındaǵı Jańajap awıl puqaralar jıyını aymaǵında 5 gektar maydanda “Jańa baǵ’” shólkemlestirilip, oǵan 2250 túp miyweli hám sayamanlı terek nálleri egildi.
Ulıwma milliy joybardıń gúzgi máwsiminde jámi 221,0 mıń túp nál egiw belgilenip, nállerdi egiwdiń kúnlik bólistiriwi (grafik) islep shıǵılıp, barlıq sistema shólkemlerinde bul baǵdardaǵı jumıslar qızǵın dawam etpekte.
Sonday-aq, kanallar átirapına máwsim basınan 184 mıń 100 túp nál otırǵızılıp, reje 83,3 procentke orınlandı.

Á.Jiyemuratov,
Qaraqalpaqstan xabar agentligi.